أدهم عثمان
تفاجئ الوسط الرياضي خلال الساعات الماضية، بقرار الشركة المتحدة بوقف برنامج الاعلامي أحمد شوبير، والمذاع على قناة أون تايم سبورت، بسبب خروجه عن القيم المهنية على حسب ما تم ذكره في بيان المتحدة.
وعلق شوبير على قرار المتحدة، تعليقا صادما، وسط تساؤلات رواد السوشيال ميديا عن سبب استبعاد شوبير من أون تايم في وهج نجوميته، وهل له علاقة بأزمة وفاة اللاعب الشاب أحمد رفعت، طلع شوبير بأول تصريحات صحفية، وقال نصا:
«دلوقتي وانا بتكلم بجهز شنطتي عشان اسافر ومحتاج اقعد مع العيلة شوية في البيت، انا هطلع اقعد في الساحل بالفانلة والشورت واكبر دماغي شوية».
وتابع: «أنا طلبت الرحيل عن القناة من شهرين وهما اللي رفضوا، لكن طبعا دلوقتي الشمتانين كتير وكله هيطلع من الجُحر بتاعه تاني بعد ما كانوا كلهم مستخبيين».
وأضاف: «أنا بقالي 28 سنة رقم واحد في الإعلام الرياضي في مصر ومحتاج اريح بقى وبقول للمتحدة بجد شكرًا من كل قلبي على الفترة اللي فاتت».
وعن سبب استغناء المتحدة عن خدماته وهل له علاقة بوفاة احمد رفعت، وهل فعلا هينضم لقنوات MBC قال شوبير:
رحيلي عن قنوات “أون تايم” مالوش علاقة بكلامي عن المتسبب فى أزمة لاعب مودرن سبورت الراحل، أحمد رفعت
وتابع: «وبالمناسبة.. انا مش هشتغل بره مصر أو فى أى محطة بعيده عن الشركة المتحدة واللي بكن ليها كامل الاحترام والتقدير».
وأضاف: «وأنا ملتزم بقرار الشركة المتحدة بإيقافي عن العمل، وبأكد اني مأخطئتش فى حق حد، وماصدرش مني أى تجاوز خلال مشواري المهنى بأي شكل من الأشكال».
