الزنفلي: كنت بفضل اتفرج على الشناوي في التمرين.. وقولت لشوبير اللعب ده رزق
حازم البربري
تحدث محمود الزنفلي حارس مرمى الفريق الأول لكرة القدم بنادي حرس الحدود، على كواليس الموسم الذي قضاه داخل النادي الأهلي بعد إعارته من فريق الداخلية خلال الموسم الماضي.
وقال الزنفلي في تصريحات تلفزيونية:” لما تتمرن مع الكابتن محمد الشناوي حارس مصر الأول بيديك إحساس تاني، وفكرة إنك بتشتغل مع أفضل جون في أفريقيا ومصر بتبقى حاجة جميلة وبتستفاد من خبراته وشغله، كنت بفضل اتفرج على ريتمه وأداءه في التمرين وأبقى عايز أوصل لحاجة من اللي هو عملها”.
تابع:” مصطفى شوبير أخويا الصغير، من الحراس الواعية والكبيرة وإن شاء الله ربنا يوفقه ويعمل تاريخ مع الأهلي، وقلتله أول ما روحت الأهلي أنا هساعدك على قد ما أقدر وبتمنى لك التوفيق، واللعب ده رزق بتاع ربنا وأنا هبقى في ضهرك وداعم ليك طول ما أنت بتلعب”.
اختتم:” العلاقة بين حراس الأهلي بيسودها الاحترام والالتزام، الحراس مجتهدة جدا وبيشتغلوا على نفسهم ولما روحت اتفاجئت بالحاجات دي، كلهم بيحبوا بعض جدا وبيوجهوا نصايح لبعض ويتقبلوها بكل احترام وادب.
