تفتكر يقصد مين.. عمرو مصطفى يثير الجدل على السوشيال ميديا برسالة غامضة «فيديو»

أدهم عثمان

أثار الفنان عمرو مصطفى، خلال الساعات الماضية، ضجة كبيرة من جديد برسالة غامضة وجهها لبعض النجوم الذين بدأ تألقهم يقل على حسب تعبيره.

وكتب عمرو مصطفى، منشورا، على حسابه عبر موقع التواصل الاجتماعي «فيسبوك»، وقال فيه: «فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم البريق سابهم، طلعوا ورق مغلف، والمكان اللي كانوا معتمدين عليه سابهم، النهارده الأرقام واضحة، والحفلات ما بقتش زي الأول، واللي بيحاولوا يعملوا رأي عام ضدي من ورا الكواليس، ده ما بيأثرش فيا خالص».

وتابع عمرو مصطفى: «الشباب طالعين بقوة، وأنتم مش عارفين توقفوا قدامهم، الجمهور عارف مين اللي يستاهل، ومين اللي خلاص بقى من الماضي، والتاريخ بيتكتب من جديد، واللي كان شايف نفسه كنز، طلع مجرد مغارة فاضية».

وتسبب المنشور في إثارة الجدل، وجعل المتابعين يتساءلون عن الشخص الذي يقصده عمرو مصطفى، وكثير من الناس على السوشيال ميديا شافوا إن الكلام موجه للهضبة عمرو دياب، خاصة إن بينهما مشاكل قديمة مستمرة من سنين

وعلى جانب آخر، أعلن عمرو مصطفى في الأيام الماضية، أنه سجل القرآن الكريم بصوته كصدقة جارية، وقال إنه: «سيعيد كل الأعمال اللي قدمها من سنة 1999 بصوته بعد ما مدة حقوق الملكية الخاصة بها تنتهي».

والسؤال هنا .. قولنا مين المقصود من تصريحات عمرو مصطفى ؟! الهضبة فعلا ولا حد تاني ؟!.. شاركونا الرأي في التعليقات