حازم إيهاب يهاجم محمد صلاح: أنت خايف على إيه؟
![حازم إيهاب ومحمد صلاح](https://elmasryia.com/wp-content/uploads/2023/10/e0a9bee8-daf1-4d36-90de-9096849833bb-300x178.jpg)
محمود ناجح
وجه الفنان حازم إيهاب، هجوم حاد على نجم منتخب مصر وليفربول الإنجليزي محمد صلاح، بعد الفيديو الذي قام بنشره لدعم أهالي فلسطين.
وناشد العالم بضرورة مساندة أهالي غزة، بعد الدمار الشامل والقصف، وما يمرون به من قبل قوات الاحتلال الإسرائيلي، مما أدى لسقوط عدد من الضحايا، وبينهم مجموعة كبيرة من الأطفال.
ونشر حازم إيهاب مقطع فيديو من خلال حسابه الشخصي على موقع إنستجرام، قال فيه: محمد صلاح كثير، ومؤمن بالتجربة اللي خرجت من بلدي رغم كل الصعوبات.
ووصلت إلى العالمية ليعرف العالم كله من هو الشخص الذي يلعب في نادي جماهيري عالمي؟، وأيضًا دخلنا كأس العالم، يجب أن تفهم جيدًا مكانتك بين الناس.
هجومه على صلاح
وأردف حازم إيهاب: باسم يوسف عمل إيه أو إيه الخطوة اللي عملها اللي خلى العالم كله يتكلم عنه.. حلقته جابت 8 أو 9 مليون، واتكلم بحماس وعبّر عن رأيه بحيادية تامة، يا محمد كنت تعبر كأي شخص بيفكر صاحب نفسه قضية، الناس بتتحمي فينا.
وأضاف: باسم يوسف قال كل اللي عايزين نقوله ونوصله للعالم باللغة الإنجليزية، وجت ليه فرصة التحدث باللغة العربية وليس الإنجليزية على الإطلاق، خرج باسم يوسف واتكلم ولما كان المذيع بيقاطعه كانت ردوده كلها واقعية، وهو متمسك بطرف واحد وحمايته واتكلم عنه.
مش هتكون زي تريكة
وأضاف حازم إيهاب في كلامه حيث قال: معنديش أي مشكلة على الإطلاق في تقبلك لكل الانتقادات اللي بتتعرض ليها، وفاهم إنك تبرعت للهلال الأحمر لصالح الضحايا في غزة.
وأنا مش ضد قبولك للنقد وأن عندك اللي تخاف عليه، ولكن معرفش إيه هو، ودي أكتر حاجة استفزتني كتبر، مكنش عندي أزمة إنك تفضل مكمل في النظرية دي وتسيب الناس تضرب دماغها في الحيط.
وأوضح حازم إيهاب: عمرك ما كنت زي أبو تريكة اللي بياخد كروت صفرا وبيتوقف علشان لابس تشيرتات تعاطف مع غزة أو فلسطين أنت عمرك ما كنت الشخص ده.
أنت راجل خايف على مستقبلك أنت عملت فيديو ملوش أي لأزمة إيه اللي استفدتوا؟.. ومش فاهم أنت مع مين وعايز تضمن إيه.. أنت عايز تمسك في مين.. أنت خايف على إيه.. كلنا عارفين أنك كنت هتروح السعودية لا كان السنة دي أو اللي بعدها.. مش هتكلم على رزقك ربنا يباركلك فيه ياراجل دي قضية وفي ناس بموت.
حازم إيهاب: أنت كنت صوتنا
وأستكمل: أنت خايف على إيه على الفلوس مظنش على شعبيتك ما هو متقنعيش أنك في الآخر هتدفن برة لا في الآخر هتدفن في مصر.
واختتم قائلًا: يا صلاح ده أنت كنت صوتنا كنت المعنى بتاعنا وكنت بتعرف العالم إن في ناس محترمين مصريين وماشيين جنب الحيط ومعندوش فضايح أنا حقيقي مش فاهمك.