حسن شاكوش: الفلوس بتجيب الاحترام ولو مش معاك فلوس محدش هيعبرك «فيديو»
أدهم عثمان
أشار مطرب المهرجانات، خلال الساعات القليلة الماضية، جدلا واسعا على منصات السوشيال ميديا والتواصل الاجتماعي، وأصبح حديثا شيقا ومثمرا لها، خاصة بعد تصريحاته في بودكاست “بالمايك والقلم”، وحديثه عن طليقته ريم طارق وندمه على الزواج منها، وأيضا حديثه على مدى احترام الناس للأغنياء وأصحاب الأموال دون غيرهم.
وتحدث حسن شاكوش، خلال الحلقة عن أشياء جعلت اسمه «تريند»، عندما قال إنه مقتنع إن الناس مش بتحترم حد غير اللي معاه فلوس، وإن الفلوس هي اللي بتجيب الاحترام.
وقال شاكوش نصًا: «أختار أكون غني، لأن طول ما معاك فلوس الناس هتقعد تقولك يا باشا، هما مش فارق معاهم أنت مين، فارق معاهم بس اللي في جيبك وإنك غني، لكن لو كنت مشهور ومعندكش فلوس، محدش هيعبرك..»
وتحدث شاكوش عن طليقته ريم طارق، وقال إنه: «ندم على الجوازة دي بعد كل المناوشات اللي حصلت بينهم ووصلت للمحاكم، وأكد كمان إنه مفيش رجوع بينهم، رغم الإشاعات اللي بتقول إنهم رجعوا لبعض، وقال بوضوح: “مفيش رجوع، الموضوع ده انتهى خلاص.”
من ناحية أخرى، دخل حسن شاكوش في أزمة جديدة مع نقيب المهن الموسيقية التونسي بسبب تصريحات اعتبرها إهانة لتونس، وكان ذلك بعد ظهور شاكوش في فيديو وهو يقول إن استقباله في مطار تونس كان سيئ جدًا، وقال أيضا: «لما وصلت مطار تونس مفيش حد بيضحك في وشك، وأتعاملت معاملة وحشة، يحسسك إنك جاي تسرق حتة من البلد وتمشي».
والسؤال هنا .. مع أم ضد تصريحات حسن شاكوش؟.. شاركونا الرأي في التعليقات..
