«ديانا كرزون» باكية بسبب أحداث غزة: «ما يحدث لا يستوعبه عقل»
ريهام أبو العلا
أعربت الفنانة الأردنية «ديانا كرزون»، عن حزنها الشديد بسبب ما تمر به إخوتنا في فلسطين وتحديدًا ما يحدث لـ غزة وأهلها من أطفال ونساء، كما أوضحت عن رأيها في التزام بعض الفنانين الصمت تجاه تلك القضية.
وتحدثت الفنانة «ديانا كرزون» من خلال تصريحات تليفزيونية لها: الأحداث اللي بتحصل في غزة لا يستوعبها العقل، المشاعر صعبة جدا، مشاعر حزن و غضب وخيبة أمل، والسلاح القوي لينا هو السوشيال ميديا عشان نبين للناس وللعالم كله إيه اللي بيحصل في فلسطين، وكرسنا حساباتنا بالقدر الممكن عشان نقدر ننقل إيه اللي حصل في فلسطين، وعشان نقدر نكذب الأخبار الكاذبة اللي بتطلع.
ديانا كرزون: «أنا مُجندة وكل شخص المفروض يكون مراسل»
وقالت باكية: “بقول للناس أنا فنانة بس دلوقتي أنا زيي زيكم، أنا مجندة وكل شخص المفروض دلوقتي مفيش حاجة قدامه غير الدعاء لأخوتنا، وإنه يستخدم السوشيال ميديا بتاعته ويحس نفسه مراسل وصحفي ويحس إنه موجود في الموقع نفسه، والتأثير مش بس للفنانين كمان للاعبين الكرة والمشاهير وغيرهم ، وبعتقد كل شخص دلوقتي هو مراسل”.
وتحدثت ديانا: “شوفنا كثير بنات وولاد غير مشهورين بس اتشهرت المقاطع بتاعتهم، وكانوا بيصوروا من غزة.
وبعتقد إن دوري كفنانة غير إني أستخدم السوشيال ميديا، إني أستخدم صوتي وأقدر أعبر عن جزء بسيط من الغضب اللي جوايا وأديهم لو قدر بسيط من الأمل إن إحنا موجودين.
كما بدأت ديانا كرزون للتعليق على الفنانين والمشاهير الذين التزموا موقف الصمت تجاه اخوتنا في فلطسين، متحدثه: مفيش تعليق على الفنانين اللي التزموا الصمت، يعطيكم العافية.
وفي الوقت ده كل واحد عارف هو بيعمل إيه، وليس لهم أي مبرر ليهم ولفعلهم، وإنهم يطلعوا يقولوا كلمة حق.
وتابعت ديانا كرزون: ازاي نقول فلسطين طول عمرها كدة
وقالت ديانا كرزون: مينفعش نقول ما هي فلسطين طول عمرها كدة وطول عمر الأم بتفقد بالـ 3 و4 أطفال،
وساعات كان ييجي ضرب على غزة يومين تلاتة وننسى ونرجع نعيش حياتنا، لكن اللي بيحصل دلوقتي مش مسموح بأي دين بالعالم.
