طارق حامد يكشف كواليس خلافه مع مرتضى منصور.. وحقيقة رحيله إلى بيراميدز
حازم البربري
كشف طارق حامد لاعب نادي الزمالك السابق، وضمك السعودي الحالي كواليس خلافه مع مرتضي منصور رئيس النادي السابق بسبب الموافقة على رحيله إلى نادي بيراميدز في موسم 2018.
وقال حامد في تصريحات تليفزونية:” سمعت إن الاستغناء بتاعي خرج من الزمالك وأنا في كأس العالم 2018، ولما حصل موضوع بيراميدز كلمني أحمد حسن، قولتله أنا مش همشي بالشكل ده كلمني بعدها حسام البدري، قولته لا بردو”.
أضاف:” مرتضى منصور كلمني قالي إمشي أنا مش عايزك، أنت بوظت الفريق.. قلتله زي ما بحترمك احترمني، الأفضل تيجي تقعد معايا ونتناقش ولو في مصلحة النادي أعمله معنديش مشكلة”.
تابع:” قولت مرتضى منصور تيجي من نفسك تقول إني بره النادي لا ممكن تقولها مع ناس كتير بس أنت قولتها مع الشخص الغلط، لأن كان ليا سنة في النادي وقولتله أنا النادي ده إدتله أكثر منك ، ومش من حقك تقولي أنت تمشي بره النادي”.
اختتم:” ساعتها كلمني تركي آل الشيخ، قالي إحنا عايزينك في بيراميدز تاخد 10 أضعاف اللي بتاخده وأحدث عربية، قولت له أنا بشكر حضرتك قالي إيه اللي أنت عايزه ؟ قولتله أقعد في الزمالك، قالي هتقعد معزز مكرم.
