أبرز تصريحات المخرج محمد سامي في برنامج «أسرار» مع الإعلامية أميرة بدر على « قناة النهار»
نبيل عمران
صرح المخرج محمد سامي خلال استضافته ببرنامج «أسرار» مع الإعلامية أميرة بدر المذاع على قناة النهار عدة تصريحات: «هكون مخرج ومؤلف مسلسل عمرو سعد 2025»، وقال إيضًا أن «تامر حسني في كفة والوسط الفني في كفة» ورد على اتهامات الفنانة عفاف شعيب له «قصة كلها كذب» وقال «وفاة أختي أثرت فيا وبسببها بخاف من الموت والمرض».
قصة عفاف شعيب كلها كذب
علق المخرج محمد سامي على اتهامات الفنانة عفاف شعيب له في وقت سابق أثناء مسلسل «آدم»، حيث قالت أنه أجبرها أثناء التصوير على الصعود لسيارة الشرطة رغم شعورها ببعض الآلام في ظهرها.
وقال سامي خلال استضافته ببرنامج «أسرار» مع الإعلامية أميرة بدر المذاع على قناة النهار: «قصة عفاف شعيب كلها كذب، وأنا بحترم سنها لإنها ست كبيرة، وهي اتكلمت كلام كتير كله كذب، القصة الحقيقية أننا مرة كنا بنصور مسلسل آدم ونفس الوقت بيتصور جنبنا مسلسل اسمه دوران شبرا، والأستاذة عفاف استأذنت قالتلي اخويا تعبان ومسافرة أعالجه، قلتلها تمام، وانا بصور بالصدفة كلمني صديق صدفة اسمه جوزيف قالى تعالى عدي عليا انا بصور مشهد لـ عفاف شعيب، وعرفت إنها في استوديو ورانا، وموضوع ضهرها ده محصلش».
تامر حسني في كفة والوسط الفني في كفة
علق المخرج محمد سامي على وجود خلاف سابق مع الفنان تامر حسني قائلًا: «مرة حصل بيني وبين تامر خلاف كبير والناس متعرفش الموضوع ده، وكنت بعدها مفتقده جدًا، لحد ما شفته صدفة وضحكنا لبعض، وقلتله مفتقدك جدًا في المكالمة الساعتين اللي نصها ضحك، لأنه أخف دم في العالم».
تامر حسني يتحدث عن تامر حسني
وقال سامي خلال استضافته ببرنامج «أسرار» مع الإعلامية أميرة بدر المذاع على قناة النهار: «أنا أكتر واحد اشتغل مع تامر حسني في الوطن العربي، عملت معاه اعلانات وكليبات ومسلسل، ازاي مفيش بيننا كيميا، وبعدين تامر دلوقتي مخرج زميل، وكله إلا تامر حسني، أنا عندي الوسط الفني في كفة وتامر في كفة».
واستطرد قائلًا: «انا كلمت تامر حسني لما اختلفت في وجهات النظر أنا وأنغام في مسلسل نسل الأغراب، وعملي أغاني قيمتها ملايين من غير ولا مليم، ونزل بات في الاستوديو كأنه مسلسل بطولته».
هكون مخرج ومؤلف مسلسل عمرو سعد 2025
قال المخرج محمد سامي، إن الفنان عمرو سعد ممثل كبير جدًا وموهوب جدًا مضيفًا «لكن كل ماجي اشتغل معاه متحصلش، والحظ بيبقى ضدنا مش عارف ليه».
أضاف سامي: «كتبت من المسلسل لحد دلوقتي نحو خمس حلقات ومش هقدر اقول اسمه احترامًا للمنتج صادق الصباح».
وفاة أختي أثرت فيا وبسببها بخاف من الموت والمرض
علق المخرج محمد سامي، على ما يشاع بشأن حب شهوة جمع المال التي لديه، قائلًا: «معنديش شهوة جمع المال وبشوف وهو تقييم للفنان لاني من اسرة غنية مش بسيطة، وعندي شهوات اهم من الفلوس وهي جمع الحيوانات وعندي فوق الـ 1000 حيوان».
بطلب من ربنا طلبات تضحك، زي لو عربيتي عطلت اقوله مشيها، وممكن وانا بعمل مشهد بطلب من ربنا إنه يبقى تريند”.
وأضاف سامي قائلًا: «عندي شراهه للنجاح، نفسي أموت ناجح ومش منسي، وبخاف من الموت جدًا ومن المرض، لأن عندي أختي ماتت سنة 2005 كان عندها سرطان وبعد ما خفت منه مرضت تاني وماتت، هي كانت صيدلانية وموهوبة جدًا في الكتابة والشعر، لو موجودة كنا هنبقى كومبو هي تكتب وانا اخرج لإنه ا محضرتش وانا مخرج، كانت مثقفة أوي وموهوبة أوي».
واستطرد قائلًأ: «اختي كانت بتتعالج برا في أمريكا من السرطان، وكان الدكتور يهودي، قال لابويا مطلوب مبلغ ضخم ووالدي وافق، والدكتور قاله أنا بصراحة بقولك رقم كبير عشان ترفض، وجربوا معاها كل حاجة حتى الحاجات الدينية زي بول الإبل في مرسى مطروح، لما راحت هناك رفضت التجربة ورجعت من مطروح ميتة في العربية».
مواعيد برنامج أسرار
برنامج «أسرار» تقدمه الإعلامية أميرة بدر على شاشة النهار يوميًا في تمام الساعة التاسعة مساءً، تستضيف من خلاله عدد من نجوم الفن والرياضة والسياسة في مصر.
