أبرز تصريحات بيومي فؤاد لـ«حبر سري»: لا أتراجع عن تصريحاتي في موسم الرياض «أنا قد كلامي عشان راجل»

نبيل عمران

علق الفنان بيومي فؤاد، لأول مرة على تصريحاته التي أثارت الجدل بموسم الرياض بعد أزمة محمد سلام، قائلا: “مش ندمان على كلامي وأنا قد كلامي عشان راجل واعتذر فقط عن حاجة واحدة أني قلت مش جاي اضحك وأنا جاي اضحك والضحك شيء جميل والكوميديا شيء صعب”.

ابرز تصريحات بيومي فؤاد في برنامج حبر سري مع الإعلامية اسما ابراهيم

قال بيومي فؤاد، خلال حواره ببرنامج “حبر سري“، مع الاعلامية اسما ابراهيم، على قناة القاهرة والناس، أنهم يطلقون عليه في الخارج عمدة المصريين ويستشعر مسئولية، مضيفا: “لما بطلع بمسرحية بحس أني رئيس بعثة ومسئول عن الناس بتوعنا ولكنا اشتمنا لما رحنا والحملة كانت شرسة على محمد أنور لأنه كان البديل ومكنتش بشوف الحاجات اللى على السوشيال ميديا ومحمد أنور كان بيبكي”.

بيومي فؤاد يوضح الصوره لمن يحبوه

بيومي فؤاد، خلال قرر الظهور في الاعلام لتوضيح الصورة لمن يحبوه، قائلا: “اللي بيحبوا بيومي وزعلانين مني أنتم فوق دماغي واطلقوا عليا لقب الجوكر ونجم الكوميديا ولكن لما عائلة بسيطة يصوروا معايا ويقولوا لي بنحس أنك واحد مننا ومن بيتنا ويزعلوا مني يبقى انتهيت ولو فهمني غلط يبقى انتهيت”.

وتابع: “كنا بننزل وقت الفطار والغداء والعشاء نتعشى وهو مش معانا وكنا بنسابق الزمن وأنور كان بيعمل البروفات والأغانى والاستعراضات وعملنا بروفات يزيد عن شهر واحنا سفراء لبلدنا بيحبونا ويحترمونا ويقدرونا لو ده كايدكم أو غايظكم لكن دي حقيقة وهما بيحبونا وده غايظ اللي بيشتمنا ويدعي علينا ادعاءات والمفروض إنه مثقف”، مؤكدا أن محمد أنور كان مكتئب جدا.

بيومي فؤاد يكشف عن الأشخاص الذين شتموه

كشف الفنان بيومي فؤاد، عن الأشخاص الذين سبوه وشتموه بعد الازمة الاخيرة تبين أنهم شباب صغير في سن 17 و18 و20 سنة، قائلا: “اللي شتمني.. انا اخويا محامي اكتشفنا أنهم أولاد صغيرين وأنهم يسمحوا يشتموني بأمي وابويا العيب مش عليهم ولكن العيب على اللي رباهم”.

بيومي فؤاد على هجوم المخرجة كاملة أبوذكري له

 قال بيومي فؤاد على هجوم المخرجة كاملة أبوذكري:  «كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها، وهي قررت ومكتبتليش ليه اللى عملته، ولكن هي قالت رأيها وقررت».

بيومي فؤاد يبكي بسبب محمد سلام

وجه الفنان بيومي فؤاد، سؤال للفنان محمد سلام بعد عرض صورة له ببرنامج “حبر سري”، مع الاعلامي اسما ابراهيم، على قناة القاهرة والناس، وحاول كتم البكاء قائلا: “ربنا معاك.. ولو هسأله هقوله أزاي متطلعش تدافع عننا وعن محمد أنور وهو ترشيحك وحقك عند ربنا”.

وتابع: “وطلعت دافعت عن أحمد الجنايني ليه مطلعتش تدافع عن محمد أنور مش عني وانا كنت كل يوم بسأل قبل وبعد الفيديو وده اللي كنت مستنيه منك ورزقك على الله والعمر واحد والرب واحد، لكل اللي شتموا وكل اللي فهمني غلط انا غلط بس رجال واطلع في كل برنامج اقول كده”.