أبرز تصريحات ريم البارودي في «العرافة» مع بسمة وهبة 

حلت النجمة ريم البارودي ضيفة في برنامج العرافة مع الإعلامية بسمة وهبة المذاع عبر شاشة النهار والمحور، وكشفت لأول مرة كواليس خلافها مع ريهام سعيد، تحدثت عن خلافها مع الفنانة وفاء عامر وأسبابه وعن سوء التفاهم الذي حدث بينهم، وضحت عن حقيقة ظهورها مع سمية الخشاب في حلقة واحدة من برنامج رامز جاب من الآخر.

تحدثت الفنانة ريم البارودي عن اللقاء الذي جمعها بريهام سعيد يوم عزاء والدها وقالت:” جت تطبطب عليا عشان التصوير لأن عزاء بابا تريند، وايه اللى حصل في الكواليس؟!

وأضافت:” هي بعتتلى رسالة وقالتلى فيها أنا عايزة اجي اعزي لكن خايفة تقولى عليا باخد اللقطه، وأنا واقفه في عزاء والدي لو شوفت حد فيه بيني وبينه مشكلة أكيد هنسى”.

وعن كواليس خلافها بعد ظهورهم في برنامج ريهام سعيد قالت:” في الأول بعد ما تصورنا لاقيتها نزلت الصور كلمتها قولتلها طيب نعمل ايديت للصور قالت معلش أنا فرحانه قولتلها تمام..ورجعت بعتتلى البرومو لاقيت الإضاءة باهتة عليا والكاميرا قريبة، والبرومو عبارة عن الجزء اللى بتكلم فيه عن والدي بس”.

وعند سؤال الإعلامية بسمة وهبة لها إذا كان هناك مشكلة في ذكر والدها أثناء لقاء ريهام قالت:” أنا مش بتاجر بموت أبويا بعد وفاته بـ 60 يوم”.

وقالت ريم:” أنا مش بكلم وفاء عامر بقالي سنه وشهرين ومش بكلمها مع إنها اتدخلت مع الدكتور أشرف زكي في حل الخلاف بيني وبين ريهام سعيد، وطلعت وقالت أنا برفض التدخل في الخلاف مع إنها اتدخلت بالفعل”.

وأضافت:” هي ست بتاعت ربنا، تصلي وبتصوم وبتعمل عمره، لكن مسمعتش المشكلة من طرف واحد، أنا زعلت منها لإنها الفنانة الوحيدة اللي راحت فرح المتهم اللي حصلت على حكم ضده، ولما سألتها قالت انا بسحبه لينا”.

تحدثت ريم البارودي في الجزء الثاني من حلقتها في برنامج العرافة مع الإعلامية بسمة وهبة، عن حقيقة ظهورها مع سمية الخشاب في حلقة واحدة من برنامج رامز جاب من الآخر.

وقالت ريم:” كنت هبقى ضيفة في برنامج رامز جلال، وسمية الخشاب كلمتني وقالتلي هنعمل حلقة حلوة وكانت عارفه أنه مقلب، ولكن اعتذرت قبلها علشان عيب، جايبنا علشان يضحك علينا الوطن العربي، إهانة متعمدة، ويقول حريم فلان».

  يذكر أن آخر أعمال ريم البارودي هو مشاركتها في حكاية بنات السباعي إحدى حكايات مسلسل حدث بالفعل، وحكاية “بنات السباعي” البطولة الأولى لريم البارودي وتتكون من 5 حلقات ويشارك في بطولتها أحمد جمال سعيد ومحمود حجازي ومحمد التاجي وهناء الشورجبي وغيرهم من النجوم، من تأليف محمد إبراهيم عوض وإخراج تامر حمزة.