أبرز تصريحات ياسمين عبد العزيز مع إسعاد يونس
نبيل عمران
حلت النجمة ياسمين عبد العزيز ضيفة الإعلامية إسعاد يونس في برنامج «صاحبة السعادة» وكشفت خلال الحلقة العديد من كواليس بدايتها الفنية، تحدثت عن علاقتها بالفنان أحمد العوضي سبب انفصالهما عن بعضهم البعض.
أبرز تصريحات ياسمين عبد العزيز مع إسعاد يونس
تحدثت الفنانة ياسمين عبدالعزيز عن تفاصيل انفصالها من أحمد العوضي قائلة: «مفيش اتنين بيتطلقوا فجأة كدة، أكيد في قبلها مشاكل..وأكيد فيه ناس قبلها حوالينا بيبقوا عارفين وأكيد حد قال..لكن حبيبتي مفيش حد يعرف الغيب إلا ربنا».
وكشفت عبد العزيز عن سبب انفصالها عن أحمد العوضي ليس خيانة، لا يمكنها الإفصاح عن السبب الأساسي الذي أدى إلى الانفصال».
وأكملت باكية قائلة: «أنا لا أحب أحمد العوضي ولكن أنا بعشقه، لتعاتب إسعاد يونس: انتى جايبانى عشان أعيط وبتضحكى عليا بحاجات بتوجعنى، ومش عارفة أنا بقيت رقيقة كده ليه ما كنتش كده والله».
وأردفت: «أنا مع أحمد لما حبيته اكتشفت إن أنا ماكنتش بحب قبل كدة..اللي حصل قبل كدة في حياتي ده مش حب وإن أحمد أول حب في حياتي، الحب الحقيقي أحمد، أنا عن نفسي عملت استخارة وعملت عمرة وفيه حاجات كدة بتبقى بتاعة ربنا فـ ربنا عايز يمشيني في سكة معينة أنا راضية بيها واللي عايزه يكون حتى لو دي مش رغبتي».
واختتمت قائلة: «يمكن أنا قولت يارب أعملي اللي فيه الخير وربنا شاف إن ده الخير.. لكن أنا عارفة إن أحمد بيحبني وهو عارف إن أنا بحبه».
وكشفت ياسمين عبد العزيز عن إمكانية زواجها مرة أخري قائلة: “أنا طول عمري متجوزة عمري ما كنت سينجل فاللي طول عمره متجوز دا عمره ما بيحس بالوحدة من اول ما كان عندي 18 سنة، اتجوزت لمدة عشرين سنة وطلقت علطول اتجوزت أحمد، بصي أنا بحب الحب وحبيبه ومعرفش ابقى لوحدي بس أعمل ايه بقا في قلبي دلوقتي، بصي اي حاجه يجبها ربنا كويس»
