«أستاهل 5 أقلام واللي عملته مش رجولة».. محمد رمضان يعتذر لشاب الساحل «فيديو»
أدهم عثمان
حرص الفنان محمد رمضان، على الاعتذار للشاب الذي صفعه في مراسي، مؤكدًا أنه لم يتمالك أعصابه حين أخطأ الشاب في اسمه، خاصة أن الشاب كرر فِعلته مرتين.
ونشر النجم محمد رمضان فيديو عبر حسابه الرسمي بـ«إنستجرام» قال خلاله: «جمهوري العدل العزيز والأصيل والغالي ألف شكر وربنا ميحرمنيش منكم، أنا قرأت وسمعت قد إيه دافعتم عني، وغلطتم الولد الصغير، أنا عامل الفيديو ده عشان أعتذر، لأهل الولد الصغير إن إيدي اتمدت عليه، وأنا عارف إن هو عيل صغير»
وتابع رمضان: «ولما غلط أول مرة وشيلتله الكاب من على رأسه، ولاقيته عيل صغير وقولتله اسمك إيه يا حبيبي، ولما غلط تاني متمالكتش نفسي، وضربته قلم صغير، خلى الكاب يطير من على راسه، والتليفون خدته ومسحتله الفيديو، ولو هنعتبر الناموسة وقفت على خدي قلم، أنا أستاهل من الناموسة خمسة، أن أنا مدِت إيدي على عيل صغير، ودي لا بطولة ولا رجولة».
وأضاف: «حد قالي أكسرله التليفون، لكن قولتله لأ هو غلط، أهله ذنبهم إيه يغرموا تليفون تاني، ودي الغلطة اللي أنا طالع أعتذر عنها، أنا عرفت إن هو من قرية تانية، وجاي يتفسح في مراسي، والأمن كانوا هايعملوله محضر، لكن أنا قولتلهم يروحوه، الاعتراف بالخطأ من شيم الكبار»
