«أنا مش معايا عربية أصلا» .. الشاعر عمرو حسن يسـخر من مخالفاته المرورية «فيديو»
أدهم عثمان
في واقعة كوميدية من الطراز الأول، كتب الشاعر الشهير “عمرو حسن”، بوست ساخر على صفحته الرسمية على فيسبوك، يشكو فيه من قيمة مخالفاته المرورية.
عمرو حسن قال خلال المنشور: «جالي على تليفوني كشف مخالفات العربية بحوالي ٣٠٠٠ جنيه، وأنا راجل بشهادة الكل، سواقتي كويسه جداً، وبربط الحزام في أي طريق حتى لو مش رئيسي».
وأضاف: «ومابتكلمش في التليفون ع الطرق السريعة، فبالنسبالي غريبة جدا، وبعدين بلاش موضوع السواقة عشان دي ممكن تكون شهادتي في حق نفسي وتطلع غلط، أنا مش معايا عربيه أصلاً !! مخالفات على ايه؟»
جدير بالذكر أن الشاعر عمرو حسن، من أهم شعراء العامية للجيل الحالي، وله عدد كبير من المتابعين والمعجبين بمختلف منصات السوشيال ميديا، ومن أهم إنجازاته حصوله على جائزة الفاجومي أحمد فؤاد نجم، ومن أهم قصائده وأكثرها انتشارًا في مصر والوطن العربي قصيدة «وحشتيني»