فاطمة فتوح
“بعد 15 يوم جواز”.. كانت المدة التي قضتها “ريم” مع زوجها الذي لم يقدرها أو يصونها منذ زواجها منه، وفي مدة قصيرة أوصلها لمحكمة الأسرة بسبب أفعاله.
اكتشفت إنه بيخوني مع كل ستات العمارة
كانت “ريم” مثل أي بنت تعيش حياة طبيعية وكانت تأمل أن يصبح لها بيت وأسرة وحياة ولكن حلمها لم يتحقق، فمنذ أن تزوجت وجدت أن عش الزوجية لم يكن مثلما تخيلته فكان يملئه الحزن والغدر و الإهانة من زوج اتسمت كل طباعه بالقسوة ، وحاولت”ريم”، أن تعطي زواجها فرصة حتى لا تفشل في تحقيق حلمها، لكن ما راته من زوجها كان كافي أن يوصلها لمحكمة الأسرة لأنه رفض حتى أن يعطيها حريتها ويطلقها ودي دون محاكم ومشاكل.
متغير معايا من يوم ما اتجوزته
قالت “ريم” : أنا اتجوزت من 3 سنين بس ومخلفتش منه، مكناش قرايب اتجوزنا عن طريق المعارف، وقبل ما نتجوز كان كويس وميبانش عليه أي حاجة من اللي ظهرت عليه من ساعة الجواز، كنا مش متفاهمين من أول الجواز، من يوم ما اتجوزته وهو اتغير وبقى بني ادم تاني مش اللي انا كنت مقررة اتجوزه ده حد تانيبيخوني مع بنات الشارع
بيخوني مع كل ستات العمارة
أكملت “ريم”: كان بيحصل بينا مشاكل كتير، بس المشاكل أصلها بدأت من ساعة ما اكتشفت خيانته وانه بيعرف عليا ستات من بعد 15 يوم جواز، شفت على تليفونه أرقام ورسائل من كل بنات الشارع طول الـ 3 سنين اللي عشتهم معاه، كان بيكلمهم ولما أوجهه يقولي هتغير وآخر مرة ومش هكلمهم تاني، لكن مفيش فايدة ومبيتغيرش.
بيضربني من ساعة ما اتجوزته
تابعت “ريم”: المشاكل كملت وكانت كل مادى بتزيد، في كل مشكلة كان بيدخل اهلي في النص وبيقول انهم سبب كل المشاكل، ده غير الضرب كان بيضربني من بعد الجواز بـ 4 شهور وكل مادى كان بيزيد عن الأول.
اديته فرصة عشان مخربش بيتي
أضافت “ريم”: مكنتش راضية اني اسيبه من ساعة ما المشاكل بدأت، قلت أديله فرصة ومخربش بيتي، اديته فرص كتير يمكن يتعدل ويبقى بني آدم كويس لكن مفيش فايدة معاه.
أنهت “ريم” كلامها وقالت: قررت انفصل عنه بسبب انه 24 ساعة سايبني لوحدي مبيسألش فيا ولما لقيت اني خلاص مش فارقة معاه، سيبته ورفعت قضية خلع لأنه مرضيش يطلق ودي بعد ما طلبت الطلاق.
