محمد إيهاب عزب
فتح إبراهيم سعيد، موجة هجوم جديدة على واحد من نجوم منتخب مصر الذين بيلعبوا في الزمالك بسبب أدائه المتواضع في ماتش موريتانيا.
قال إبراهيم سعيد: «لاعب قليل إمكانياته في الدوري المصري، تعالى اتفرج عليه في المنتخب. لاعب محلي يثبت لي وجوده في الملعب، لعب 43 مباراة ملعبش ماتش عدل، لاعب قليل جدًا».
وتابع: «واحد بيلعب مع المنتخب مبيعملش حاجة، المفروض الكورة اتطورت، واحد يعمل أوفر الدفاع يتلغبط يقولك أسيست، دي ولا ليها علاقة بالكورة».
وأضاف: «هتكلم براحتي واللي عايز أقوله هقوله، بتكلم في الكورة محدش ليه دخل، إنتوا بقى تقعدوا تشتموا، هو يسلط عليا صفحات، مبيمشيش معايا، لو لاعب كويس هقول لاعب كويس لو وحش هقول وحش
واختتم حديثه: «أنا مليش دخل أهلي وزمالك، أنا بتكلم عن منتخب مصر، اتكملت على لاعب تايه في الملعب، يرجع الكورة، يلعب الكورة على الجنب، وطالع كمان مقموص».
