عن فترة اكتـئابها.. هلا رشدى: سألت ربنا يطلعني من اللي أنا فيه «فيديو»

علا عوض

كشفت الفنانة هلا رشدى، تفاصيل الفترة الأخيرة التى مرت بها، والتى أُصيبت فيها بالاكتـئاب، مؤكدة أن الرضا والدعاء وذكر الله، كان أكثر الأمور التى ساهمت فى خروجها منه.

وقالت هلا رشدى فى أحد برامج بودكاست: «جالي اكتـئاب في 2019، وروحت لدكتور نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، كنت بخبط دماغي في الحيطة، وبقول لربنا أنت سايبني ليه خدني عندك».

وتابعت: «زوجي لم يتخلّ عني وصبر عليا صبر أيوب، وكلمت ربنا وقولت لنفسي أنا هموت ولا إيه، إني مش صح ومش قادرة أعبدك، ولما بقرأ قرآن بحس بحاجز كبير، طلعني يا رب من اللي أنا فيه، وقعدت فترة مش بصلي خالص، وكنت بقرأ الورد بس،. ويوم عيد ميلادي الـ 33 قولت لنفسي دا عمر أهل الجنة، وروحت صليت وقولتله هحاول أكون معاك يا رب قويني».