نبيل عمران
تحدث عمر مرموش، نجم منتخب مصر، عن انتقاله إلى نادي آينتراخت فرانكفورت، قائلا: “أنا بلعب فى النادى من سنة ونص.. والسنة دي ماشيين بشكل كويس والفرقة بتلعب بطريقة مختلفة.. وده ساعدنى إنى أظهر بالمنظر ده.. وحققت أرقاما كويسة السنة اللى فاتت، والسنادى أفضل”.
وأضاف عمر مرموش، خلال حواره مع الإعلامية إسعاد يونس، المذاع على قناة dmc: “منتخب مصر بالنسبة ليا حاجة كبيرة، وكلنا هدف واحد وهو تمثيل مصر بشكل كويس ونحطها فى مكانة عالية، وأنا بلعب باسم بلدى ومش عاوز حد يكسبنا ويضحك علينا كمان.. بمثل 120 مليون مصرى وشايل اسم مصر على ظهرى.. وده بيفرق معايا، وكلنا عندنا نفس الروح والهدف أننا نكسب بلدنا”.
وتابع عمر مرموش: “خلال بطولة أفريقيا الماضية أول ما وصلت البلد اللى هنلعب فيها كانت درجة حرارتى كبيرة.. وقلت للدكتور هلعب يعنى هلعب حتى ولو درجة حرارتى 80 درجة.. وحصلت على أدوية، وأنا بمثل بلدى ولما هنزل الملعب هعمل كل حاجة”.
ويقدم عمر مرموش موسما مميزا مع آينتراخت فرانكفورت الألماني حيث ينافس على لقب هداف الدوري بعد تسجيله 15 هدفًا وصناعة 9 آخرين، ويحتل المركز الثانى بجدول ترتيب هدافى البوندزليجا خلف هارى كين نجم بايرن ميونخ المتصدر برصيد 16 هدفا.
ويعد مرموش ثانى أكثر لاعب مساهمة بالأهداف في كل المسابقات الأوروبية بعدما شارك في 34 هدفًا بتسجيله 20 هدفًا وصناعة 14 في الدورى والكأس المحلى بألمانيا وبطولة الدورى الأوروبى مع آينتراخت.
