مشادات تدفع أب وأبنائه لتمزيق جسد شاب في شبرا الخيمة

كتبت : تغريد سيد

واقعة مأساوية مفجعة ومؤلمة عاشتها أم في الساعات الماضية بعدما أقدم 3 أشخاص أب و2 من أبنائه على إنهاء حياة شاب أمام عيون والدته بسبب خلافات سابقة بينهما مزقوا جسده ب 15 طعنه بسلاح أبيض.

وقالت والدة المجني عليه لمصرية نيوز: يوم الواقعة حصلت مشادة كلامية بين إبراهيم ابني والأب المتهم الأول بسبب عتابه له عن خلاف حصل وقطعلوا التيشيرت قالو انت قطعت تيشرت ليا وقعلوا قالو ماشي ياعمي ويكت على كدة وفجأة اتكترو عليه أبنائه بسلاح أبيض ابني كان بيشدنى عشان يستنجد بيا ودمه لسه في هدومي مش هغسلها إلا لما حقه يرجع استغلوا الوقت وقتلوه ابني ومزقوا جسده ب 15 طعنه بسلاح أبيض في الشارع ساعه الثامنة مساء ومفيش اي بنأدم في الشارع استغلوا أن مفيش حد موجود يدافع عن إبراهيم ابني انا عايزة حق ابني.

ابني كان بيشدنى عشان يستنجد بيا الحقيني يا أمي انت بموت

وإضافت والدة المجني عليه: ابني عنده (30 سنة ) شغال على توك توك كان السند ليا والعون والده متوفي وهو اللي كان بيصرف عليا ويساعدني ابني كان أطيب خلق الله محبوب من الناس كلها ليه يموتوا كدة عملهم ايه يتكترو عليه كدة طعنوا 15 طعنه وبعد ما خلصوا طلعوا البيت وكأني محصلش حاجه.

وأشارت والدة المجني عليه: الأب المتهم الأول بعد ما أبنائه قتلوه ابني راح يعور نفسه ويعمل محضر في إبراهيم ميعرفش أن المستشفى بلغت القسم أن في شاب جالهم مقتول ولما راح هناك اتقبض عليه رايح تعمل محضر في ابني وانتم مخلصين عليه ومزقتوا جسمه بسلاح أبيض انت واولادك ولا كأننا جيران انا كنت بشوف عيالك كأنهم عيالي وبسأل عليهم حسبي الله ونعم الوكيل وأفوض أمري إلى الله عايزة حق ابني منهم لله بطالب بالقصاص يجبلي حق ابني.