حازم البربري
دافع مصطفى شوبير حارس مرمى الفريق الأول لكرة القدم بالنادي الأهلي، عن والده أحمد شوبير بعد الاتهامات الموجهة له حول تسببه في تدهور الحالة الصحية للراحل أحمد رفعت أثناء وجود أحمد شوبير نائبا في نادي فيوتشر.
وقال مصطفى في تصريحات عبر موقع التواصل الإجتماعي “إنستقرام” قائلا : اتهامات اتهامات وخوض في ذمم بدون علم ولا اي دليل انتوا مفرقتوش عن ال ظلمه رفعت في حاجة ودلوقتي بتتهمه ناس ظلم ب اذي شخص بدون اي دليل حتى دي عايزينها أهلي وزمالك وتريند اخو اللاعب طلع وقال اساله فلان وذكر اسم شخص، ووكيله كان قاعد وحصلت مواجهة بينه وبين الشخص ال تم ذكر اسمه فين بقى اسم أحمد شوبير في جملة مفيدة؟ ولا اخو رفعت ولا وكيله ولا المحامي بتاعه قال حاجة او ذكر اسمه حتى زي ما المفبركين بيكتبه، التريند عمه الناس والاتهامات الباطلة أي حد بيكتب أي حاجة الناس للأسف بتصدقها وخلاص ياريت الناس ال بتكتب ده درس لينا تبدأ بنفسها الأول ومتظلمش حد تاني ب اتهامات باطلة بدون أي دليل لأن كده أنت أول واحد متعملش من ال حصل وبتعيد الظلم بس بطريقة تانية استقيموا يرحمكم الله وسيبكم من التريند كلنا لله راجعون
اخيرا ربنا يرحمك يا رفعت اكيد انت في مكان احسن لا تنسوه من صالح دعائكم.
وأعلن نادي مودرن سبورت وفاة أحمد رفعت لاعب الفريق بعد تعرضة لأزمة صحية كبيرة طوال الساعات القليلة الماضية.
