مطرب المهرجان علي قدورة يكشف لـ «المصرية» أسباب اعتزاله
أسماء إسماعيل
كشف مطرب المهرجان علي قدورة عن أسباب قراره باعتزاله النهائي للغنائي، لافتًا إلى أنه سيتجه الفترة القادمة إلى مشروع خاص به لم يوضح تفاصيله.
وعن أسباب الاعتزال قال في تصريحات لبوابة “المصرية”: “عشان كنت في طريق أنا شايفه غلط وربنا لما بينادي عباده يبقي قضي الأمر”.
وأضاف قدورة”: “ناوي الفترة الي جايا أعمل مشروع خاص، موجهًا نصيحة لبعض الفنانين الذين لم يفكروا بالاعتزال: “لازم يصدقوا من جواهم ووالله لو هما مصدقوش من جواهم مش هتفيدهم بحاجة النصيحة” حسب قوله.
كما وجه رسالة لأهل غزة قائلًا: :كلنا فلسطين و واجب المؤازرة و لو بالدعاء لأن القضية واحدة و ربنا يفك أسرهم و يرحم أمواتهم و ينصرهم.
وكان أمطرب المهرجانات الشعبية علي عبد القادر السيد، الشهير بـ علي قدورة، قد أعلن اعتزاله الفن نهائيا، مؤكدًا أنه سيبدأ من مرحلة الصفر مرة أخرى.
ونشر علي قدورة صورة له من أمام الكعبة، عبر حسابه الشخصي بموقع التواصل الاجتماعي، وكتب: السلام عليكم في يوم جمعة مبارك.. أنا علي عبد القادر السيد، الشهير بـ علي قدورة، كنت مغني قبل النهاردة، في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي.
وتابع: أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ويارب سامحني عن أي حاجة أنا عملتها في حياتي أو أي حاجة صدرت مني.
وأضاف: يارب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي، ومش عارف هيبقي الصح إيه وهبقي لا امتلك إلا صفر، وربنا يثبتني في الطريق ده ومش هطول عليكم بس دي نيتي، وربنا كريم وكبير وغفور رحيم.
