منة فضالي تحذر من نصاب محترف.. مَن هو؟
محمود ناجح
أعلنت الفنانة منة فضالي، عن تعرضها لعملية نصب من شخص يمتلك شركة تأجير سيارات بمدينة إسطنبول، وذلك خلال وجودها في تركيا، وشاركت القضية مع جمهورها بهدف تحذيرهم من التعرض لمثل هذه الأمور.
وشاركت منة فضالي على حسابها بموقع «إنستجرام»، صورة لصاحب واقعة النصب عليها وعلقت عليه قائلة: «يا جماعة الراجل ده ناصب عليا اخد 2400 دولار، عند شركة تأجير سيارات في إسطنبول، ورافض يرجعلي فلوسي خلو بالكم».
كما نشرت مقطع فيديو تروي خلاله التفاصيل حيث قالت: «صباح الخير، ياجماعة أنا داخلة علشان أوضح لكم الموضوع، أنا الراجل ده اتعاملت معاه قبل كدة السنة اللي فاتت، وكان شخص كويس جدًا، السنة دي طلب فلوس مقدم، ووافقت ودفعتله الفلوس على مدة 18 يوم في اسطنبول».
واستكملت «فضالي»: «بعد ما جابلي سواق وكانت طريقته وحشة مع والدتي، ووالدتي ست عاجزة مش بتتحرك، ومحتاجة حد يساعدها طول الوقت واشتكيت ليه السواق وطلبت منه أكتر من مرة يغيره وهو بيرفض، وقالى ده اللي موجود وأنا مش فاضي وعندي شغل، قلتله خلاص أنا مش عايزة العربية».
وأضافت: «أنا خدت منك العربية لمدة أسبوع خد فلوسها وهات باقي فلوسي، رفض وبقاله 3 أيام بيتلاعب بيا بمبررات كتير، وأنا عملت شكوى ضده ومكنوش عارفين يجيبوه».
واختتمت برسالة تحذير، حيث قالت: «هي الفلوس راحت بس أنا بقول حسبي الله ونعم الوكيل فيه يارب ويتقلب ضده كل قرش أخده مني، أنا مش بحب حد يتأذي علشان كده داخله أقول لكل اللي بيتعامل معاه خلي بالك».
