من القاهرة الي مطروح .. رحلة هروب قاتل صديقه طمعا في المال: خلصت عليه ودفنته أسفل الرمال
فارس محمد
” اللي حصل أنى أستدرجته وجبته لغاية المبني وبعدين من غير ما ياخد باله ضربته بالعصاية على رأسه، وقع فورا علي الأرض، وبعد كده غطيت الجثة بالرمال والأسمنت عشان محدش يشوف الجثة واخدت الفلوس اللي كانت معاه وتليفونه” .. بتلك الكلمات أعترف المتهم بقتل صديقه في منطقة الشروق بتفاصيل جريمته أمام جهات التحقيق.
وبعد ذلك امرت النيابة العامة بحبس المتهم ٤ ايام علي ذمة التحقيقات كما استعجلت تحريات الشرطة في الواقعة.
الجريمة التى وقعت فى منطقة الشروق التابعة لمحافظة القاهرة كشف تفاصيلها بلاغ من شقيق الضحية الى رجال الشرطة.
ومن خلال التحريات وتفريغ الكاميرات والجهود المكثفة رجال المباحث تم في غضون ساعات كشف ملابسات الجريمة والوصول للقاتل وحبسه.
خيوط الجريمة انكشفت وتم تحديد مكان القاتل الذى قام بالهروب من القاهرة للإختباء فى محافظة مطروح ظنا منه انه سيفلت من قبضة المباحث، تم ضبطه وعرضه على النيابة العامة التى امرت بحبسه ٤ أيام على ذمة التحقيقات.