مواقع التواصل الاجتماعي يطالبون بغلق شركة أوبر في مصر
سارة جمعة
شنت مواقع التواصل الإجتماعي هجوما كبيرا على سائقي أوبر، بسبب محاولته اغتصاب فتاة التجمع بمدينة نصر، حيث طالب العديد في الشارع المصري بالغاء التطبيق من على هواتفهم المحموله عقابا للشركة، وترصد «المصرية نيوز» أراء بعض الفنانين والمواطنين عبر منصة «X» وفيسبوك.
أراء بعض الفنانين والمواطنين عبر مواقع التواصل الإجتماعي
قال صلاح عزو عبر موقع التواصل الإجتماعي فيسبوك : مطلوب إغلاق ووقف تطبيق أوبر الغير أمن .
وطالبت سالي محمد عبر موقع التواصل الإجتماعي فيسبوك : يجب عمل فيش وتشبيه لكل من يعمل فى الاندريفر وغيرة.
وهاجم محمد حسين عبر تطبيق فيسبوك: «هما اوبر مالهم مش هيجيبوها لبر ليه الله».
ونوهت أمل الرفاعي عبر فيسبوك: المفروض مش أي حد يشتغل سواق أوبر لازم كشف صحى ونفسى وفيش وتشبيه وكاميرات فى السيارة دى ابسط مبادئ الأمن والامان في اي بلد كده مينفعش خالص.
واقترحت جهاد سليم: لأزم إيجاد حل لشركة أوبر أو وقف تراخيصها من مصر حتي يتوافق اوضاعها «عشان لما الناس اللي أستخدمت برنامج أوبر كان عشان الأمان اللي دلوقتي مبقاش موجود» بالعكس البرنامج بقى بشكل خطر علينا .
وطالبت زينب علي عبر موقع التواصل الإجتماعي فيسبوك بمحاكمة صاحب شركة اوبر وغلق الابلكيشن في مصر .
موقف الفنانين من حادث فتاة التجمع وسائقي اوبر
صلاح عبدالله يدعم مقاطعة تطبيق «أوبر»
كتب الفنان صلاح عبدالله في تدوينة على صفحته الرسمية عبر موقع إكس «x» : «بعد ما شفت حكاية عمرو أديب.. بعت رسالة لبناتي ومراتي على جروب العائلي..إلغوا أوبر من حياتكم مهما كانت الظروف».
أطلقت الفنانة عبير صبري عبر موقع التواصل الإجتماعي فيسبوك، حملة تدعو فيها لإلغاء تطبيق شركة «أوبر» من مصر .
وقالت صبري: «أنا عايزة نعمل حملة عشان نقاطع أوبر، أرجو إنك تساعديني في نشر البوست بتاعي وطلبي أن البنات في مصر تعمل حملة لإلغاء الأبليكيشن ده لأنه أصبح خطر علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيره».
وطالبت الفنانة «بضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات.
هاجمت الفنانة شركة أوبر دي مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابة عليهم؟ مفيش رقابة عليهم ليه».
