ناردين فرج تكشف عن كيفية دخولها إلى المجال الإذاعي

إيمان عمر

حلت الإعلامية ناردين فرج، ضيفة في برنامج “معكم”الذي تقدمه الإعلامية منى الشاذلي، على قناة ON، وكشفت على كيفية دخولها المجال الإذاعي.

وقالت ناردين: “أنا تخرجت من كلية التجارة بجامعة الإسكندرية، ثم تزوجت وانتقلت للقاهرة، وكنت دايما بستمع للإذاعة، وبتتمنى أن أكون مذيعة، فقررت دخول هذا المجال، وتواصلت مع مسئول بالإذاعة حينها، كان صديقًا للعائلة، وطلبت منه أخضع لاختبار، و يروا إن كنت مناسبة أم لا”.

واستكملت ناردين فرج: “قلت له أنا عاوزة أجرب، اعملي اختبار وشوف لو هنفع، ولما عملت الاختبار كان ساعتها أحمد يونس هو اللي في الراديو، وبالصدفة كان يونس مقررة ياخد فترة ميشتغلش فيها، فأخدوني بسرعة جدا مكانه”.

واختتمت ناردين: “قالوا لي هو قدامه شهر وهيمشي فلازم يعلمك خلال الفترة دي عشان تبدأي على طول، فقعدت شهر بحاله جنب أحمد يونس بتفرج عليه ومكنش بيكلمني خالص، لحد ما في يوم قالي اقعدي على الميكسر أنا رايح مشوار ربع ساعة وجاي، وكان برنامج هوا، قلت له ازاي لوحدي؟ قالي اشتغلي أنا ماشي، فـ طبقت اللي شوفته بيعمله والدنيا مشيت”.