محمد إيهاب عزب
رد محمد الشوبكي، شقيق ضحية حادث أحمد فتوح، لاعب الزمالك، على تصريحات مرتضى منصور، رئيس النادي الأسبق، بشأن التصالح بين الطرفين.
وقال الشوبكي في تصريحات تلفزيونية: «تعليقي على تصريحات مرتضى منصور على إنه تم التصالح بيننا وبين فتوح؟. من حوالي 10 أيام لقيته بيقول إن في اتصال بأمير ابنه، مين أمير ابنه؟! أنا معرفوش أصلًا».
وأضاف: «أنا مليش في الكورة ومعرفوش أصلًا. ولما هو بيقول إن إحنا اتصلنا بيه وطلبنا منه كذا وكذا، طيب ليه أول ما أحمد فتوح عمل الحادثة قال أنا قولت إن اللاعب ده بيهرب من التمرين ومن تحليل المخدرات».
وتابع: «إنت منين مكنتش عايز اللاعب ده يلعب وقت ما كنت ماسك النادي، وجاي بتقول إن أنا بساعده، إيه الكلام ده.. هل يعقل؟!».
وردًا على سؤال «هل مرتضى منصور تواصل معاكم قبل كدة؟»، قال: «أنا معرفوش أصلًا، أنا أسمع اسمه بس، إنما معرفوش ولا قابلته، ومحصلش محاولات تواصل منه أو من محامي فتوح».
