والد الشهيد مصطفى عفيفي يكشف كواليس استقبال خطيبة نجله خبر استشهاده

نبيل عمران

تصدر اسم الشهيد المهندس مصطفى أنور أحمد عفيفي محركات البحث وصفحات مواقع التواصل الاجتماعي، بعد إعلان وزارة الداخلية في بيان رسمي، رصد عناصر إرهابية تابعة لحركة حسم.

و كشف والد الشهيد مصطفى عفيفي كواليس معرفة خطيبة نجله بخبر استشهاده قبل زفافهما، قال والد الشهيد: كانوا بيجهزوا لفرحهم ودلوقتي خطيبته حالتها النفسية سيئة جدا مش قادرة تتكلم ومنهارة.

وأضاف كل حاجة في حياتها راحت في لحظة ومش قادرة تتخطى لحد دلوقتي خبر وفاته ربنا يصبرها ونحتسبه من الشهداء، حالتنا النفسية صعبة ربنا يرحمه ويغفر له ويصبرنا.

وتابع: فرحهم كان بعد شهرين والموضوع مش سهل عليها ربنا يقويها ويعوضها خير، إحنا مش عايزين حاجة غير إن الناس تدعيله بالرحمة، ابني شهيد عند ربنا وكان خاطب وعريس هيتجوز لكن ربنا أراد أن ده يبقى مصيره من ضمن شهداء الوطن.