ياسمين رئيس تكشف تفاصيل إصابتها بارتجاج في المخ
نبيل عمران
كشفت الفنانة ياسمين رئيس، خلال لقائها في برنامج «عرب وود» بعد عرض فيلم «الفستان الأبيض» في مهرجان الجونة السينمائي عن تعرضها للإصابة خلال تصوير الفستان الأبيض».
وقالت ياسمين رئيس: «أصعب مشهد في فيلم الفستان الأبيض لما كنا بنصور الخناقة في الآخر خالص، المشهد دا كان المفروض أسماء جلال بتدخل جوا الخناقة عشان تشد إنجي أبو السعود، وأنا أدخل أشد أسماء، وأنا بدخل الخناقة المفروض شنطتي وقعت وولد شد الشنطة فضربته».
واضافت رئيس، اللي حصل إني كنت لابسه تنورة طويلة وبجري معرفش طرنا في الهواء إزاي وأسماء جلال كانت بتحاول تسندني ومعرفتش وكان في عربية راكنة هى خبطت في العربية بركبتها، ووقعت أنا على راسي طبقت كبوت العربية، وجالي شبه ارتجاج في المخ، وهى ركبتها ازرقت وكانت تعبانة، قعدنا أسماء جلال رفعت رجليها وحطت تلج، وأنا كشفوا عليا يشوفوا أنا عندي ارتجاج ولا اتعميت ولا فقدت الذاكرة».
