ياسمين رئيس: «كان نفسي أربي بقرة في بيتنا»
علا عوض
كشفت الفنانة ياسمين رئيس أسرارا لأول مرة عن حياتها الشخصية وتحدثت عن تفاصيل خاصة عن نجلها، وإنها حملت فيه في بداية مشوارها الفني أثناء تصوير فيلم «فتاة المصنع»، وذلك خلال حلولها ضيفة ببرنامج «صاحبة السعادة» مع الإعلامية والفنانة إسعاد يونس.
وقالت «رئيس» خلال لقائها مع صاحبة السعادة: «في بداية مشواري في فيلم فتاة المصنع، كنت حامل في ابني، فالحمد لله إن ربنا اختار لي التوقيت ده لإنه كانت التوقيت الصح، لأن لو ما كنتش حملت في الوقت ده ممكن ما أكونش أبقى أم دلوقت».
وتابعت: «ما كنتش عاملة خطة إني أحمل في الوقت ده، أنا إنسانة طول عمري مسؤولة وما كنتش أقدر أسيبه لحد يربيه أنا قاعدة في تربية ابني».
وأضافت: «فكرت أربي بقرة في بيتنا علشان ابني يتغذي تغذية صح ويشرب لبن صحي وأعمله أرز بلبن ونجيب منها السمنة، وبدأت أدخل المطبخ علشان ياكل أكل صحي، وأنا لو كنت أطول ازرع أرض وأجيب منها الخضار والحاجات اللى بنطبخ منها كنت عملت كده».
