بالفيديو.. رامي جمال يطرح «خليني أشوفك»

نبيل عمران

طرح النجم رامي جمال منذ قليل أغنيته الجديدة «خليني أشوفك»، عبر قناته الرسمية على موقع الفيديوهات الشهير «يوتيوب»، والأغنيه من كلمات زياد حسن، ألحان محمود أنور، توزيع وميكس وماستر عمرو الخضري.

كلمات أغنية رامي جمال «خليني أشوفك» 

خليني أشوفك مرة تانية ولو ثواني عشان أوريك إن أنا بقيت حد تاني..

وعشان أقولك إني مزعلتش عليك..مبقاش في قلبي مكان خلاص متساب عشانك..

في حاجات كتير من يوم ما غبت خدت مكانك..من يوم ما غبت وقلبي تقريبًا نسيك..

أنا فوقت خلاص وقسيت على قلبي وعلمته يبطل إحساس انت عملتلي عقدة أساسًا من كل الناس..

ربنا يجازيك وتعيش الجرح اللي أنا شوفته واللي يخليك تايه من بعدي ومش عارف تتلم عليك..

ضيعت عمري عليك ومطلعتش بحاجة..كان لازم أبعد قبل ما أخسر كل حاجة..

كان لازم ألحق نفسي ومسيبهاش تضيع..كان فاضل إيه هستناه منك يعني تاني..

هستنى إيه من حد ضيعني وأذاني..مش هشتريك عشان انت متعود تبيعه..

أنا فوقت خلاص وقسيت على قلبي وعلمته يبطل إحساس انت عملتلي عقدة أساسًا من كل الناس..

ربنا يجازيك وتعيش الجرح اللي أنا شوفته واللي يخليك تايه من بعدي ومش عارف تتلم عليك.