نصيبنا انتهى.. «أم خالد» تكشف تفاصيل انفصالها عن زوجها «فيديو»
محمد إيهاب عزب
أعلنت البلوجر الشهيرة أم خالد انفصلها عن زوجها محمد، وشاركت جمهورها فيديو عبر حسابها الشخصي على منصة تداول الصور والفيديوهات إنستجرام، توضح حقيقة انفصالها عن زوجها.
وقالت أم خالد: «الفترة الأخيرة كان فيه مشاكل بيني وبين زوجي محمد، وأنا مش بتاعة ترندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة».
وتابعت: «احنا نصيبنا خلاص انتهى ووقف لحد هنا.. وليه مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش فيه أنا وعيالي خالد وريان».
وأضافت: «مش عايزة منكم غير دعوات بـ إن ربنا يقويني على تربية عيالي، ويا رب أشوفهم أحسن الناس، ومتقعدوش كل شوية تكتبولي تعليقات سلبية.. أنا مش عايزة أكون مُكتئبة، وهو ده نصيبي.. اللي من نصيبك هيصيبك، أنا مؤمنة وبصلي وعارفة ربنا كويس».
