«بلاش فتي يا طنط».. عبدالله رشدي يوجه رسالة لـ إلهام شاهين بعد تصريحاتها الأخيرة «فيديو»
علا عوض
أثارت الفنانة إلهام شاهين، جدلا كبيرا على السوشيال ميديا خلال الساعات الماضية بسبب تصريحاتها الأخيرة التي قالت فيها: «مينفعش تعطل شغلك عشان تصلي».
وفي تصريحات صحفية، قالت شاهين، نصًا: “اشتغلت مع أحد من المخرجين لقيته بعدها تدين بشكل غريب بحيث ان كل أذان والكاميرا بتشتغل يترك الممثلين وكل شي وينزل يصلي ولازم في نفس الوقت “.
وتابعت: “طب خلينا نخلص المشهد بعدها صلي لكن تعطل الاستديو كله دا عمرنا ماشفناه”.
ليخرج الشيخ عبد الله رشدي على صفحته الشخصية على الفيس بوك، ويرد على تصريحات إلهام شاهين في فيديو تحت عنوان “بلاش فتي يا طنط لو سمحتي”.
وقال رشدي بالفيديو: “ركزي بقا علشان انتي كدة رايحة منك شمال” متابعا: “خليني أعلمك، أنا أمارس شغلي بما لا يتعارض مع ديني، وأمارس عملي بما لا يتعارض مع عباداتي، يبقى الأصل عندي إن أنا أظبط وأعدل يومي وعملي وحياتي وشغلي على ما يريده الله مني مش العكس”.
وأضاف: “لا ده تولع الدنيا كلها والصلاة أهم، فرض ربنا سبحانه وتعالى أهم ، أؤدي فرض ربنا بعدين أبقى أشوف في إيه، إمتى بقا نقول الكلام ده لما واحد يكون حارس على منشأة لو راح صلى وسابها تتسرق، آه ده نقوله خليك مكانك، أحسن كده يظهر ضرر كتتير، والضرر ده مظنون، والظن فيه راجح”.
وأكد: “والشرع والدين بيقولك، عملك هنا أولى، لكن قاعد بصور فيلم فأقول لا ده أن أظبط عبادتي على حسب وقت الفيلم آسف، مرفوض الكلام ده”.
