بلطجية ينهون حياة شاب في المقابر لسرقة هاتفه.. وأسرته تروي تفاصيل صادم《 فيديو》
كتبت : تغريد سيد
واقعة مآساوية عاشتها أسرة يوسف في الساعات الماضية بعدما أقدم 3 أشخاص على قتل يوسف بـطعنات متفرقه نافذة في القلب لهدف سرقة تليفون في منطقة الزقازيق.
استدرجو يوسف في المقابر علشان يسرقو تليفونه وقتلوه
وقال والد المجني عليه لمصرية نيوز: انا جايلي تليفون من اصحابة بيقولولي تعالى الزقازيق يوسف عمل مشكلة هناك ولبست ونزلت انا وشقيقه نروح نشوف في ايه ووالدته سألتني رايح فين قولتلها رايح مشوار وجاي محبتش اعمل شوشرة قولت هروح اشوف في ايه اتوقعت مشكلة عادية زي اي مشاكل الشباب مره واحده لقيت زوجتي بتصوت وتقولي يوسف مات جيران قالولي يوسف مات وانهارت ووقعت على الأرض وجالها شلل من الصدمة.
إضاف والد المجني عليه : يوسف كان رايح شغل في زقازيق هو وأصحابة وكانوا نازلين هو وصاحبه مهند يجيبوا اكل ومش عارفين المحلات هناك قابلهم 3 شباب ومعاهم تروسيكل سألهم مفيش محلات هنا نجيب أكل رد أحد الأشخاص عليه قاله تعالى في محل قريب راح معاه هو ومهند وفجاة لاقو نفسهم في المقابر واتنين كتفوا يوسف وواحد ماسك مهند وكانوا عايزين يخدوا تليفون من يوسف ومكنوش عارفين مهند هرب منهم وطلع يجري ويشوف حد ينقذ يوسف ولما رجع شاف يوسف بيطالع في الروح وواخد طعنه في القلب والمتهمين هربوا ومخدوش تليفون يوسف مهند قالي هربوا لما شافوا يوسف سايح في دمه.
انا زوجتي جالها شلل وجلطه لما عرفت إن ابنها مات
وإشار والد المجني عليه: استفدوا ايه لما قتلوه ابني انا مش معايه غيره هو ومحمود شقيقه يوسف كان هيدخل معهد هندسة وتكنولوجيا وكان جايب مجموع حلو يوسف كان بيجيب كل حاجه لنفسه يوسف انا راجل وشاب رياضي انا مش بطالب غير بحق ابني والقصاص.
وقالت والدة المجني عليه في انهيار تام وبكاء : انا جايلي جلطه لما عرفت إن ابني مات انا عايزة حقه يوسف مات جعان كان رايح يجيب أكل يوسف جايلي جثه وزفيته في جنازته بدل ما يجيلي عريس ملحقتش أفرح بيه انا عايزة حق ابني يوسف كان راجل وطيب ومحترم قتلوه لييييييه انا عايزة حق ابني .
