كزبرة بعد مشاركته في فيلم «الحريفة»: أنا كسبت أخوات بجد
إيمان عمر
شارك مطرب المهرجانات كزبرة، متابعيه عبر حسابه الخاص بموقع التواصل الإجتماعي الشهير “فيسبوك”، منشورًا أعرب فيه عن سعادته الكبيرة بمشاركته في فيلم “الحريفة“.
وقال كزبرة: “أحمد حمدي حتة بيمسي على أخواته الحريفة، كنت عايز أقولكم إني بجد كسبت أخوات بجد وربنا يخليكوا ليا، ومبسوط أوي إني كنت جزء من العمل معاكم واتعلمت منكوا حاجات كتير”.
وأضاف الفنان: “وعمري بجد ما هنساكم عشان إنتوا أحلى حاجة حصلتلي في حياتي، وبشكر ربنا على إن خطوة نجاحي وتحقيق حلمي كانت معاكم يا أشطر رجالة في الدنيا وشكرًا لأستاذ طارق الجنايني على وقفتك جنبي”.
وتابع كزبرة: “بجد أنت أخويا الكبير وأستاذي وأبويا، وبشكر أستاذ رؤوف السيد سفاح المخرجين على كل اللي عملته معايا على الشخصية والمساحة اللي كنت سيبهالي عشان اطلع اللي عندي وشكرًا لأستاذ إياد صالح على السيناريو الجامد وعلى دور حتة يا أحلي قلم حامي وشكرًا لفريدة فؤاد أجمد ستايلست في مصر بجد على اللبس الفاجر”.
واختتم الفنان: بشكر أحلى بندق أخويا الكبير على نصايحك وشكرًا لأحلى مدير تصوير ميخا العالمي وشكرًا لأحلى يارا العشري ملكة الماركتنج وشكرا لكل الناس أنا مش عايز أنسي حد بس والله ربنا يخليكوا ليا، وشكرًا لأخويا وحبيبي نجم الشباك الأول نور النبوي”.
ويعرض الآن فيلم “الحريفة”، لنور النبوي، بـ دور العرض المصرية، وهو من بطولة، وهو من بطولة نور النبوي، أحمد غزي، كزبرة، نور إيهاب، خالد الذهبي، عبد الرحمن محمد، سليم الترك وآخرين، مع ظهور خاص لبيومي فؤاد وشريف الدسوقي، ونجم الكرة السابق أحمد حسام ميدو، من إنتاج “تي فيجن” طارق الجنايني، تأليف إياد صالح وإخراج رؤوف السيد.
أحداث فيلم الحريفة
وتدور أحداث الفيلم، في إطار من الدراما والتشويق، حول شاب يدعى ماجد وهو لاعب كورة قدم، ينتقل من مدرسته الحكومية إلى مدرسة دولية، وينضم إلى فريق المدرسة، ويدخل مسابقة لكي يحصل على مليون جنية، وتتوالى الأحداث.
