ياسمين عز تنصح العرائس: الجواز حلو ووصفة السعادة بطاطا بالبشاميل!

كتب- سارة جمعة 

وجهت الإعلامية ياسمين عز، رسالة للفتيات عن الزواج، قائله: «الجواز حلو ما تخليش حد يكرهك فيه».

وقالت ياسمين عز خلال برنامج «كلام الناس» المذاع عبر قناة «mbc مصر»: «في الجو البرد ده قومي اعملي لجوزك شوية بطاطا بالبشاميل، أو طبق شعرية باللبن، أو مشروب يهديله أعصابه».

وتابعت: «بلاش تكوني تقليدية أو محلية وتعملي يانسون اطلعي شوية للعالمية وخليكي انترناشونال، ودفيله ملاية السرير قبل ما ينام في البرد ده، وبدل ما تنشفي شعرك بالسيشوار دفي السرير».

وأضافت الإعلامية ياسمين عز: «الجواز سنة الحياة، وحياة المتجوزين كلها بطاطا بالبشاميل وشعرية باللبن».

وأضافت الإعلامية ياسمين عز: «الجواز سنة الحياة، متصدقيش صحبتك اللي بتقول الجواز وحش، هتلاقيها بتغير على جوزها من الهوا الطاير».